नेपाल प्रहरी श्रीमती संघ कोशी प्रदेशद्वारा प्रदेश प्रहरी प्रमुख खनाललाई स्वागत
विराटनगर, साउन २४ गते । नेपाल प्रहरी श्रीमती संघ कोशी प्रदेशका पदाधिकारीहरूले कोशी प्रदेश प्रहरी प्रमुख प्रहरी नायव महानिरीक्षक (डीआईजी) शेखर खनाललाई स्वागत गरेका छन्।
साउन २४ गते नेपाल प्रहरी श्रीमती संघ कोशी प्रदेशको कार्यालयमा आयोजित कार्यक्रममा संघकी अध्यक्ष सरिता खनाल, सचिव सृजना नेपाल दाहालसहितका पदाधिकारीले प्रदेश प्रहरी प्रमुख खनाललाई स्वागत गरेका हुन्।
स्वागत कार्यक्रममा डीआईजी खनालले संघका पदाधिकारीहरूसँग परिचयात्मक भेटघाट तथा अन्तरक्रिया गरेका थिए। सो क्रममा संघकी अध्यक्ष सरिता खनालले नेपाल प्रहरी श्रीमती संघ कोशी प्रदेशले गर्दै आएका विभिन्न गतिविधि तथा आगामी दिनमा सञ्चालन गरिने कार्यक्रमबारे जानकारी गराएकी थिइन्।
कार्यक्रममा संघका गतिविधि, आगामी कार्ययोजना तथा प्रहरी परिवारसँग सम्बन्धित विभिन्न विषयमा समेत छलफल भएको जनाइएको छ।
