कुटपिटबाट घाइतेको उपचारका क्रममा मृत्यु, कुटपिट गर्ने व्यक्ति पक्राउ
धनगढी । बझाङमा कुटपिटबाट घाइते भएका एक पुरुषको उपचारका क्रममा मृत्यु भएको छ ।
बझाङको दुर्गाथली गाउँपालिका–५ जाफ्री बस्ने ५० वर्षीय झलक जप्रेललाई भदौ २२ गते साँझ सामान्य विवादका क्रममा सोही ठाउँका २८ वर्षीय लोकेन्द्र जप्रेलले कुटपिट गरेको प्रहरीले जनाएको छ ।
कुटपिटबाट घाइते झलकको धनगढीस्थित केयर टेकर अस्पतालमा उपचार भइरहेकोमा भदौ ३१ गते बिहान ७ः५० बजे चिकित्सकले मृत घोषणा गरेका हुन् ।
प्रहरीले कुटपिटमा संलग्न लोकेन्द्रलाई नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ।
