रास्वपा केन्द्रीय समितिको बैठक असोज १७ गते बस्ने
काठमाडौ, १४ असोज । सत्तारुढ राष्ट्रिय स्वतन्त्र पार्टीको केन्द्रीय समितिको बैठक असोज १७ गते बस्ने भएको छ ।
रास्वपा सभापति रवि लामिछानेले असोज १७ गते दिउँसो ३ बजे केन्द्रीय कार्यालय चमती घन्टीघरमा बस्ने गरी बैठक बोलाएका हुन् ।
अहिले बैठकको कार्यसूची तय भइरहेको रास्वपा महामन्त्री विपिनकुमार आचार्यले जानकारी दिए । बैठकमा पार्टीको संगठन विस्तार, आगामी स्थानीय तहको निर्वाचनको तयारीका विषयमा छलफल हुनेछ । सोहीअनुसार अहिले बैठकको एजेन्डा तयार पार्न लागिएको हो ।
बैठकको एउटा एजेन्डामा सरकारको ६ महिने समीक्षा पनि रहेको बताइन्छ । रास्वपा वरिष्ठ नेता बालेन्द्र शाह बालेन नेतृत्वको सरकारले मंगलबार ६ महिना पूरा गरेको हो ।
