कोशी प्रदेश प्रहरीद्वारा विधिवत् रूपमा मौलो पूजा सम्पन्न
विराटनगर, कात्तिक ३। बडादसैँ २०८३ को अवसरमा कोशी प्रदेश प्रहरीद्वारा परम्परागत रूपमा मनाउँदै आएको मौलो पूजा विधिवत् रूपमा सम्पन्न गरिएको छ।
कात्तिक ३ गते बिहान ७ः३५ बजेको शुभ साइतमा कोशी प्रदेश प्रहरी कार्यालय, विराटनगरका प्रमुख प्रहरी नायब महानिरीक्षक शेखर खनालको प्रमुख आतिथ्यतामा मौलोमा विधिपूर्वक पूजाअर्चना गरी मौलो पूजा सम्पन्न गरिएको हो।
कोशी प्रदेश प्रहरी गण, रानीको प्राङ्गणमा आयोजित उक्त पूजामा कोशी प्रदेश प्रहरी तालिम केन्द्र, विराटनगर, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, इटहरी र जिल्ला प्रहरी कार्यालय, मोरङका प्रमुखलगायत प्रहरी अधिकृत तथा कर्मचारीहरूको उपस्थिति रहेको थियो।
परम्परागत धार्मिक तथा सांस्कृतिक मान्यताअनुसार आयोजना गरिने मौलो पूजालाई नेपाल प्रहरीको ऐतिहासिक परम्परा र सांस्कृतिक पहिचानसँग जोडेर हेरिन्छ।
