मलेसिया टेक्ने बितिकै सुरु हुन्छ नेपालीको हेपिने दिन !
एजेन्सी । नेपालमा रोजगारी नभएपछि नेपालीहरु विदेश जाने गरेका छन् । नेपालीहरु मलेसिया, कतार, कुवेत लगाएतका दशहरुमा कामको शिलशीलामा पुगिन्छ । पहिलो पटक विदेश छिरेकालाई त्यस ठाउँको संस्कृती र भाषाको ज्ञान नभएपछि हेपिने क्रम त सुरु भैहाल्छ ।
मलेसिया जाने नेपाली धेरै समस्यामा परिरहेका छन् भन्ने कुरा चर्चा भइरहन्छ । उनीहरुको समस्या मलेसिया गएर काम गर्न थालेपछि नभइ मलेसियाको एयरपोर्टमा ओर्लिंदादेखि नै सुरु हुन्छ । एयरपोर्टमा एउटा कोठा हुन्छ ।
त्यो कोठामा ५ सय भन्दा धेरै नेपालीलाई कोचेर राखिएको हुन्छ । बिमान आउँदा सबै थालेका हुन्छन् । तर उनीहरुले सुखले बस्न पनि पाउँदैनन् । उनीहरुलाई कम्पनीको मान्छे कति बेला लिन आउला भन्ने चिन्ताले सताइरहेको हुन्छ ।
कम्पनीको मान्छेलाई १२ घण्टादेखि १५ घण्टासम्म पर्खिनुपर्छ । त्यतिबेला निद्राले थारै झल्यो भनेपनि पुलिसले दुव्र्यवहार गर्ने मलेसिया पुगेकाले जानकारी दिएका छन् । कम्पनीको मान्छे लिन नआउँदा कतिले त एक महिनासम्म त्यस्तो व्यवहार सहेर बस्न बाध्य भएको छ ।
एयरपोर्टबाट कम्पनी पुगेपछि अर्को तनाव सुरु हुन्छ । सबै कम्पनीमा हुँदैन । तर मलेसियाका धेरै कम्पनीले कामदारलाई गर्ने व्यवहार राम्रो छैन ।
