नेपालले पायो अहिलेसम्मकै विद्वान अर्थमन्त्री !, हेर्नुहोस् भिडियोमा ओली सरकारका नयाँ मन्त्रिहरुले यसरी लिए सपथ
काठमाडौं, फागुन १४ । नेकपा एमालेबाट डाक्टर युवराज खतिवडा अर्थमन्त्री बन्नुभएको छ । सरकारको सिफारिसमा राष्ट्रपतिबाट राष्ट्रियसभा सदस्यमा मनोनित हुनुभएका खतिवडाको सांसद पदको शपथग्रहणमा भने सर्वोच्च अदालतले रोक लगाएको छ ।
संविधान अनुसार संसद नभएको व्यक्तिलाई पनि प्रधानमन्त्रीले मन्त्री नियुक्त गर्न सक्ने व्यवस्था भएकाले ओलीले उहाँलाई मन्त्री नियुक्त गर्नुभएको हो । खतिवडाले ६ महिनाभित्र संघीय संसदको सदस्य भइसक्नुपर्नेछ ।
डाक्टर युवराज खतिवडा नेपाल राष्ट्र बैंकको पूर्व गभर्नर हुनुहुन्छ । उहाँले युएनडिपी रिजनल सेन्टरमा वरिष्ठ अर्थशास्त्रीका रुपमा पनि काम गरिसक्नुभएको छ । खतिवडा २०५९ देखि २०६२ सम्म नेपाल सरकारको राष्ट्रिय योजना आयोगमा उपाध्यक्षसमेत हुनुहुन्थ्यो ।
खतिवडाले दिल्ली विश्व विद्यालयबाट मौद्रिक अर्थतन्त्रमा पीएचडी गर्नुभएको छ । उहाँले अर्थ राजनीतिसँग सम्बन्धित विभिन्न पुस्तकसमेत लेख्नुभएकाे छ । राष्ट्र बैंककाे गभर्नर भएका बेला अार्थिक सुधारसम्बन्धी विभिन्न कार्यक्रम ल्याउनुभएका खतिवडा अर्थमन्त्री भएकाले नेपालकाे अार्थिक विकासमा सहयाेग पुग्ने अपेक्षा गरिएकाे छ । खतिवडालाई अर्थमन्त्री बनाउन प्रधानमन्त्री केपी शर्मा अाेली अाफैले विशेष भूमिका खेलेकाे बताइन्छ ।
उहाँले २०५० सालमा महेन्द्र विद्या भुषण तथा २०५७ सालमा सुप्रबल गोर्खा दक्षिण बाहु प्राप्त गर्नुभएको थियो ।
हेर्नुहोस् भिडियोमा ओली सरकारका नयाँ मन्त्रिहरुले यसरी लिए सपथ
