एक्कासी विरामी परे एमाले निकट युवा संघका अध्यक्ष पहारी, एभरेष्ट हस्पिटलमा उपचार हुँदै
काठमाडौँ, १७ फागुन । नेकपा (एमाले) निकट युवा संघ नेपालका अध्यक्ष राजीव पहारी अस्वस्थ हुनुभएको छ ।
बुधबार साँझ एक्कासी अस्वस्थ हुनुभएका अध्यक्ष पहारीको अहिले नयाँ बानेश्वरस्थित एभरेष्ट हस्पिटलमा उपचार भइरहेको संघका महासचिव किरण पौडेलले जानकारी दिनुभयो । पहारीलाई निमोनिया भएको उपचारमा संलग्न चिकित्सकले बताएका छन् ।
उहाँलाई केही दिनसम्म अस्पतालमा राखी उपचार गर्नुपर्ने चिकित्सकको सुझाव रहेको महासचिव पौडेलले बताउनुभयो ।
पहारीलाई चिकित्सक डा रामनारायण शाह र डा नीरज नेपालले उपचार गरिरहनुभएको छ । पहारी कास्कीबाट प्रदेशसभा सदस्य हुनुहुन्छ ।
