प्रमुख प्रतिपक्षी दल नेपाली काँग्रेसले सभामुख पदका लागि उम्मेदवार नउठाउने
काठमाडौँ । प्रमुख प्रतिपक्षी दल नेपाली काँग्रेसले सभामुख पदका लागि आफ्नो उम्मेदवार नउठाउने भएको छ ।
शुक्रबार शीर्ष नेताहरुबीचको अनौपचारिक छलफल पछि काँग्रेसले सभामुख पदमा उम्मेदवारी नदिने निर्णय गरेको पार्टी प्रवक्ता विश्वप्रकाश शर्माले जानकारी दिए ।
यसअघि राष्ट्रपति विद्यादेवी भण्डारीविरुद्ध भने काँग्रेसले कुमारी लक्ष्मी राईलाई उम्मेदवारी उठाएको थियो ।
सिंगो संसदको नायक रहने सभामुख निर्विवाद ढंगले चयन गर्न प्रतिपक्षी दलले उम्मेदवारी नदिने जनाएका छन् ।
उनले समाजिक सञ्जाल ट्वीटरमा लेखेका छन् :
सभामुखको सालिन व्यक्तित्व र सन्तुलित व्यवहारले संसद र संसदीय पद्धतिको गरिमा अभिबृद्धी हुने विश्वास नेपाली कांग्रेसले लिएको छ ।
अतः सिंगो संसदको नायक निर्विवाद ढंगले चयन गर्न प्रतिपक्षी दलको समेत फरक प्रस्तुति नरहनु नयाँ संसदको नवीन यात्राका लागि सुखद प्रारम्भ हुनेछ ।
