प्रहरी इन्काउन्टरमा मारिएका अजय र गोपाल तामाङको परिवार उजुरी दिन मानव अधिकार आयोग पुगे
काठमाडौं । प्रहरी इन्काउन्टरमा भक्तपुरमा मारिएका दुई अपहरणकारी अजय तामाङ र गोपाल तामाङको परिवार उक्त घटनाको सत्य तथ्य छानबिन गरीपाउँ भनी मानवअधिकार आयोग पुगेका छन् ।
बुधबार तामाङद्वयका परिवारले घटना इन्काउन्टर नभई हत्या भएको भन्दै छानबिनका लागि राष्ट्रिय मानव अधिकार आयोगमा उजुरी दिएका हुन् ।
भक्तपुरको काँडाघारीबाट आइतबार साँझ अपहरण गरिएका ११ वर्षीय बालक निशान खड्काको अपहरणकारीहरूले हत्या गरेका थिए ।अपहरणमा परेका बालक मृत भेटिएपछि प्रहरीले गरेको अनुसन्धानको क्रममा अपहरणकारीसँग भएको मुडभेडमा दुई अपहरणकारी पनि मारिएका थिए ।
मृतक गोपालका आमाबुवा, बहिनी तथा अजयका बुबा निमा तामाङले आयोगमा निवेदन दिएका हुन् ।
