सबै प्रधानमन्त्रीहरुको शालिक अब एकै स्थानमा !
धनकुटा खबर । तेह्रथुमको छथरगाउँपालिकाको शुक्रबारे बजार नजिकै प्रधानमन्त्री राष्ट्रिय पार्क निर्माण गरिने भएको छ ।
निर्माण गरिन लागेको यस पार्कमा नेपालका सबै पूर्वप्रधानमन्त्रीहरुको शालिक निर्माण गरिने छ साथै उनिहरुको कार्यकाल र उनिहरुले गरेका महत्व पूर्णकार्य र योगदानको अभिलेख समेत राखिने गाउँपालिकका अध्यक्ष सन्तोष तिगेलाले जानकारी दिए ।
यसकालागी डिपिआर निर्माण कार्य यस आर्थिक बर्ष भित्रै सक्ने र अर्का बर्ष बाट निमार्ण सुरु गरिने तिगेलाले धनकुटा खबरलाई बताए । लगानीका हिसावले बढी लागत लाग्ने भएकोले केन्द्र सरकार र अन्य निकाय संग समेत सहयोगका लागि कुरा भई रहेको उनले बताए ।
यो पार्क निर्माणले यहाँको पर्यटकीय गतिविधी बढाउने साथै शैक्षिक पर्यटनका लागि यो महत्व पूर्ण रहने गाउँपालिकाले जनाएको छ ।
