बाम-गठबन्धनलाई हराऊँदै शिवशक्तीमा कांग्रेसको प्यानल नै विजयी !
लेटाङ । शिबशक्ति सामुदायिक वन उपभोक्ता समुह लेटाङ ८ मोरङको आठौ अधिवेशन वाट लोकतान्त्रिक समुहको प्यानल नै विजय भएको छ ।
आज सोही सामुदायिक वनको प्राङगणमा भएको मतदानमा खसेको जम्मा मत मध्ये अध्यक्ष पदका उमेद्धवार धनवहादुर लिम्बुले १६९ मत ल्याई विजय हुनुभएको हो । अन्य पदाधिकारीहरुमा क्रमश उपाध्यक्षमा रुपनारायण लिम्बु १६४ , सचिव गीता लामिछाने १६५ , सहसचिव डम्बरकुमारी खड्का १६९ र कोषाध्यक्ष खिवलाल अधिकारीले १६७ मत ल्याई विजय हुनुभएको हो ।
अघिल्लो हप्ता सो वनले १९ औ वार्षिक साधारण सभा गरेर ८ औ अधिवेशनको घोषणा गरेको थियो । वन्दसत्र प्रारम्भ गरेपछि अध्यक्षले आफ्नो कार्यकाल सकिएको घोषणा गर्नुभएको थियो । सोही सभाले वनाएको निर्वाचन मन्डलीले आफ्नो कार्यभार सम्हाल्दै सहमति सहितको नयाँ नेतृत्व माग गरेपनि २ प्यानलको नामावली निर्वाचन समितिमा दर्ता भएपछि सहमति खोज्ने प्रयास समेत गरिएको थियो ।
दुवै पक्ष सहमतिमा आउन नसकेपछि समितिले निर्वाचन घोषणा गरेको थियो भने लोकतान्त्रिक र वाम पक्ष विच निर्वाचन भएको थियो । निर्वाचनमा वहुमत सहित लोकतान्त्रिक प्यानल विजय भएको हो ।
