धनकुटा आएका विश्वदिपले गराए ७० जनालाई कांग्रेसमा प्रवेश
धनकुटा खबर, ६ असोज । नेपाली कांग्रेसको दोस्रो जागरण अभियान कार्यक्रम अन्र्तगत आज साँगुरीगढी गाउँपालिकामा भएको कार्यक्रममा नेकपा र समाजवादी पाटी परित्याग गरी ७० जना जिल्ला र गाउँ स्तरका कार्यकर्ता नेपाली कांग्रेसमा प्रवेश गरेका छन् ।
धनकुटाको प्रदेश क का क्षेत्रिय सभापती जितेन्द्र राईको अध्यक्षतामा भएको भेलामा संविधान सभाका सदस्य तथा नेपाली कांग्रेसका केन्द्रिय प्रतिनिधी विश्वदिप लिङ्गदेनले पाटीमा स्वागत गर्दै साधरण सदस्यता समेत दिएका छन् ।
प्रवेश कार्यक्रमा बोल्दै नेता लिङ्गदेनले नेपाली कांग्रेस अब सशतm एकताबद्ध छ भन्ने कुरा जनताले विश्वास गरेकोले कांग्रेसमा अन्य पाटी छोडेर आउनेको लहर रहेको बताए । उनले भने सरकार बाहिर पाटी छ तर जनता र अन्य पाटीका कार्यकर्ता समेत कांग्रेसमा आउने लहर छ त्यसैले यसको सन्देश राम्रो गई रहेको छ ।
पाटी प्रवेश कार्यक्रमा नेपाली कांग्रेसका सभापती अग्नी पौडेल, सचिब विजयसन्तोषी राई , तरुणदलका केन्द्रिय सदस्य एवम् महाधिवेशन प्रतिनिधी कमोट फागो, प्रेस यूनियन धनकुटाका अध्यक्ष हिमा चेम्जोङ्ग लगायत नेपाली कांग्रेसका नेता कार्यकर्ताको उपस्थिती रहेको थियो ।
