हेर्नुहोस् इलामको चियाबारी भित्र देखिएको यो सुन्दर पोखरी
इलाम – इलाममा धेरै आकर्षक चियाबारी छन् । चियाबारी हेर्न जाने पर्यटक त्यो दृश्य देखेर भुतुक्कै हुने गर्छन् । यस्तै इलाम बजार नजिकै रहेको एक चियाबारी भित्र एक आकर्षक पोखरी रहेको छ। तस्वीर टीकाप्रसाद खतिवडाले खिचेका हुन् । चियाबारी भित्र निर्माण गरिएको उक्त पोखरी निकै सुन्दर छ । सुन्दर चियाबारी बीचमा निर्माण गरिएको पोखरीले अझ सुन्दरता थप्ने काम गरेको छ ।
अहिले यो चियाबारी बीचमा निर्माण गरिएको पोखरी हेर्न आन्तरीक तथा बाह्य पर्यटकहरु आउने गर्छन । इलामे सहर चियाबारी राम्रो… गीत त्यसै चर्चित भएको होइन, यो सुदूरपूर्वी जिल्ला वास्तवमै मनै लोभ्याउने स्थानहरूले भरिएको छ । तर इलामको पहिचान चियाबारी मात्रै होइन र बादलभित्र क्षणभरमै लुकिरहने डाँडाहरू मात्र पनि होइन ।
यहाँको भौगोलिक बनोट, चिया, नगदे बालीले सुधारिएको जीवन शैली, जैविक विविधता, धार्मिक क्षेत्र, जातीय संस्कृति, दृश्यावलोकन, तालतलैया र सिमसार क्षेत्रलगायतले पनि आगन्तुकलाई आनन्दित तुल्याउने गर्छ । नेपालमै पहिलो इलामको चिया बगान, काठै काठको संरचना भएको इलाम बजार, नारायणथान, माईथान, सिंहबाहिनी सेतीदेवीले पनि पर्यटक भुलाउन थालेको यस क्षेत्रमा सहरको व्यस्तताबाटै सुटुक्कै निस्केर ग्रामीण जीवनशैली र संस्कृति अनुभव गर्न सकिन्छ ।
