सभापति देउवाले भने,- सरकार आफैमा कम्युनिष्ट होइन
सविन लामिछाने, तनहुँ । नेपाली कांग्रेसका पार्टी सभापति एवं पूर्व प्रधानमन्त्री शेरबहादुर देउवाले सरकार आफैमा कम्युनिष्ट नभएको बताउनुभएको छ । गोवर्धन शर्मा स्मृति कोष तनहुँले आयोजना गरेको प्रजातन्त्र सेनानी नेपाली काँगे्रसका नेता स्व.गोवर्धन शर्माको आत्मवृत्तान्त पुस्तक ‘मेरो जीवन यात्रा’ पुस्तकको लोकार्पण कार्यक्रमलाई सम्बोधन गदै उहाँले सो कुरा बताउनुभएको हो ।
उहाँले सरकार आफैमा कम्युनिष्ट नभएको तर, अहिले सरकार कम्युनिष्टहरुले मात्र चलाएको बताउनुभयो । विपक्ष भनेको सरकारको वैकल्पिक सत्ता रहेको हुनाले सबै थोकको कार्य गर्दा प्रतिपक्षले विपक्षलाई सोधेर गर्नुपर्ने उहाँको भनाइ थियो । त्यस्तै नेपाली कांग्रेसका वरिष्ठ नेता रामचन्द्र पौडेलले नेपाली भूमिमा लोकतन्त्रलाई अपमान गरेको नेपाली कांग्रेसले सहन नसक्ने बताउनुभयो ।
उहाँले भन्नुभयो–“सत्तामा पुगेकाहरुले लोकतान्त्रिक अधिकारलाई बाङ्गो टिङ्गो बनाउने तथा लोकतान्त्रिक अधिकारहरुलाई आफ्नो अनुकुलको बनाउन्छन्, कि भन्ने चिन्ता नेपाली काँगे्रसलाई रहेको छ ।” यसका सार्थ उहाँले प्रजातन्त्रको रक्षाका लागि कांग्रेस कहिले पनि पछाडि नहट्ने उहाँले बताउनुभयो ।
कार्यक्रममा बोल्दै पार्टीका महामन्त्री डा.शशांक कोइरालाले पार्टीगत एकता र कार्यकर्ताहरु एकजुट हुनुपर्नेमा जोड दिएनुभयो । कांगे्रसका नेता स्व.शर्माको १०५ औं जन्मजयन्तीको अवसरमा उहाँको जीवनी यात्राको बारेमा प्रकाशन गरिएको पुस्तकको विमोचन गरिएको थियो ।
