स्वास्थ्य परीक्षण तथा परिचय पत्र वितरण शिविर शूरु
धनकुटा,फागुन २ । धनकुटाको चौविसे गाउँपालिका भित्र स्वास्थ्य परीक्षण तथा परिचय पत्र वितरण शिविर आजबाट शूरु भएको छ ।
सामाजिक विकास मन्त्रालय करुणा फाउण्डेसन नेपाल तथा चौविसे गाउँपालिकाको संयुक्त सहकार्यमा शिविर शूरु भएको हो । आज शिविरको पहिलो दिन वडा नं १ को मुक्क्तराई स्कुलमा शिविर सञ्चालन गरिएको छ । जसमा ६७ जनाले सेवा लिएका छन् ।
पालिका भित्रका सबै प्रकारका अपाङ्गता भएका व्यक्तिहरुको नाक ,कान,घाटी,जेनेरल फिजियोथेरापी र फिजियोथेरापिष्ट सहितका विशेषज्ञहरुद्धारा प्रारम्भिक स्वास्थ्य जाँच गर्ने र आवश्यकता अनुसार अपाङ्गता परिचयपत्र वितरण तथा नविकरण गर्ने उदेश्यले शिविर सञ्चालन गरीएको गाउँपालिकाले जनाएको छ ।
यस्तै भोली वडा नं २ को स्वथ्यचौकी शुक्रबारे ,४ गते वडा नं ३ र ४ माथिल्लो भेग वडा कार्यलय र ५ गते वडा नं ४ र ५ तल्लो भेगमा शिविर सञ्चालन हुने भएको छ । यस्तै ६ गते वडा नं ५ को वडा कार्यलय ,७ गते ७ नं वडा कार्यलय , ८ गते ८ नं वडा कार्यलय सोक्रोप्पा र ९ गते वडा नं ६ को स्वाथ्यचौकी राजारानीमा शिविर सञ्चालन हुने गाउँपालिकाका उपाध्यक्ष यज्ञकुमारी रुचालले जानकारी दिनु भयो ।
