बिद्यालयका छात्र छात्राहरूलाई न्यानो कपडा,पोशाक र स्टेशनरी सामाग्री हस्तान्तरण
धनकुटा । केयर वुमन नेपाल र विपी कोइराला सोसलिष्ट इन्टरनेशनल नेपालको संयुक्त आयोजनामा चौविसे गाउँपालिका वडा नं ५ स्थित वोधे प्राथमिक बिद्यालयका छात्र छात्राहरूलाई न्यानो कपडा,पोशाक र स्टेशनरी सामाग्री आज हस्तान्तरण गरेको छ ।
देवेनारा समूह विराटनगरको सहयोगमा सामाग्री हस्तान्तरण गरिएको विपी कोइराला सोसलिष्ट इन्टरनेशनल नेपालका अध्यक्ष तथा नेपाली कांग्रेस धनकुटा क्षेत्र नं २ का क्षेत्रिय सभापति इन्दिरा थापाले बताउनु भयो ।
विपी कोइराल सोसलिष्ट इन्टरनेशनल नेपालका केन्द्रिय अध्यक्ष इन्दिरा थापाको प्रमुख आतित्थ्यमा ती सामाग्री प्रदान गरिएको हो । वोधे प्राथमिक विधालय चौविसे ५ का ३७ जना छात्र छात्राहरूलाई न्यानो कपडा,पोशाक र स्टेशनरी प्रदान गरिएको छ । कार्यक्रम बोधे प्राथमिक विधालयका विधालय व्यस्थापन समितिका अध्यक्ष महेन्द्र शेर्मा लिम्बुको अध्यक्षतामा सम्पन्न भएकाे थियाे ।
यसैगरि चौविसे गाउँपालिका वडा नं ४ कुरूलेको कट्टेल गाउँमा खानेपानी व्यवस्थापन गर्नलाई सहज होस भनि खानेपानीको पाइप समेत वितरण गरिएको छ । वडा नं ४ का वडा अध्यक्ष नगेन्द्र तामाङ्ग(जीवन) मार्फत कट्टेल गाउँलाई पाईप हस्तान्तरण गरिएको विपी कोइराला सोसलिष्ट इन्टरनेशनल नेपालका केन्द्रीय अध्यक्ष तथा नेपाली कांग्रेस धनकुटा क्षेत्र नं २ का क्षेत्रिय सभापति थापाले बताउनु भयो ।
हस्तान्तरण कार्यक्रममा नेपाली कांग्रेसका जिल्ला सदस्य मोहोन वान्तावा,रमेश इवाहाङ्ग,तिर्थ राई स्थानीय समाजसेवी तथा वुध्दिजीवि दूर्गा न्यौपाने लगायतकाले मन्तब्य राखेका थिए ।
