३ सय ७५ जनालाई अपाङ्गता परिचय पत्र वितरण
धनकुटा,फागुन १० । धनकुटाको चौविसे गाउँपालीकाका ३ सय ७५ जनालाई अपाङ्गता परिचय पत्र वितरण गरिएको छ । नया १ सय ३ जना र पुराना ९९ जना गरि जम्मा ३ सय ७५ जनालाई परिचय पत्र वितरण गरिएको छ ।
सामाजिक विकास मन्त्रालय प्रदेश १ विराटनगर, गाउँपालीका र करुणा फाउण्डशेनको त्रिपक्षीय साझेदारिमा संचालित अपाङ्गता रोकथाम तथा पुनस्र्थापना कार्यक्रम अन्तरगत गत फागुन १ गतेबाट गाउँपालीकाभित्रका ८ वटै वडाहरुमा शिविर सञ्चालन गरिएको थियो । जसमा “क” वर्गका १८ जनाले परिचयपत्र प्राप्त गरेका छन् ।
त्यस्तै “ख” बर्गका ७५ जना, “ग” बर्गका १ सय ३ जना तथा “घ” वर्गका ८० जना गरी २ सय ७६ जनाले अपाङ्गता परिचय पत्र प्राप्त गरका छन् भने पुराना “क” वर्गका २० जना, “ख” वर्गका ४७ जना, “ग” वर्गका १९ र “घ” वर्गको १३ जना गरी ९९ जनाले परिचयपत्र प्राप्त गरेको गाउँपालीकाले जनाएको छ ।
