घरेलु तथा साना उद्योग महासंघ धनकुटाको अध्यक्षमा श्रेष्ठ निर्वाचित
चैत २५,धनकुटा । घरेलु तथा साना उद्योग महासंघ धनकुटाको अध्यक्षमा राजेश्वर वहादुर श्रेष्ठ निर्वाचित हुनुभएको छ ।
घरेलु तथा साना उद्योग महासंघ धनकुटाको आज धनकुटामा सम्पन्न २९ औ साधारण सभा तथा निर्वाचनबाट राजेश्वर वहादुर श्रेष्ठ अध्यक्षमा निर्वाचित हुनु भएको हो ।
महासंघका निवर्तमान अध्यक्ष विजय सन्तोषी राईको अध्यक्षतामा सञ्चालित साधारण सभाले महासंघको वरिष्ठ उपाध्यक्षमा कुसुम राना, उपाध्यक्षमा मनकला लिम्वु, महासचिवमा अम्विका धमला,सचिवमा अम्विका परियार र कोषाध्यक्षमा लेखनाथ रिजाललाई चयन गरेको छ ।
त्यस्तै अन्य सदस्यहरुमा सर्मिला राई, हिमा निरौला, राधा वजगाई, निरुपा राई, दिपा लिम्वु, धन वहादुर परियार र अम्विका राई रहेका छन् ।
साधारण सभालाई सम्वोधन गर्दै उद्योग वाणिज्य संघका १ नं प्रदेश सदस्य राजेश कोईरालाले उद्योग व्यवसाय मार्फत देशलाई समृद्ध वनाउनु पर्नेमा जोड दिनुभएको थियो ।
