धनकुटा नगरपालिका ८ वडा कार्य समितिको कार्यालयको उद्घाटन
मंशिर १,धनकुटा । नेपाली कांग्रेसले धनकुटा नगरपालिका ८ वडा कार्य समितिको कार्यालयको उद्घाटन गरिएको छ । पार्टीका आमन्त्रित केन्द्रिय सदस्य तथा संविधान सभा सदस्य मनोहर नारायण श्रेष्ठले वडा कार्यालयको उद्घाटन गर्नुभएको हो ।
वडा कार्यलय उद्घाटन कार्यक्रमलाई सम्वोधन गर्दै उहाँले नेपाली कांग्रेसकै नेतृत्वमा विकास र समृद्धीको अभियान पूरा हुने वताउनु भयो । पार्टीका ८ नं वडा सभापती सूर्य वहादुर राईको अध्यक्षमा सम्पन्न पार्टी कार्यालय उद्घाटन कार्यक्रममा स्वागत मन्तव्य नेपाल तरुण दल वडा नं। ८ का अध्यक्ष अर्जुन राईले राख्नु भएको थियो भने सञ्चालन वडा सचिव भानुभक्त राईले गर्नु भएको थियो ।
कार्यक्रममा पार्टीका जिल्ला सभापती अग्नी प्रसाद पौडेल,उपसभापती नविन किशोर शाक्य,सचिव विजय सन्तोषी राई,सहसचिव सिता श्रेष्ठ,कोषाध्यक्ष दिनेश राई लगायतले शुभकामना राखेका थिए ।
