धनकुटा नगरपालिकाले शहरी उत्थानशीलता मार्गचित्र निर्माण गर्ने
धनकुटा । दिगो विकास लक्ष्यको उपलब्धीमा योगदान गर्ने र जोखिम न्यूनीकृत समावेशी एवं उत्थानशिल शहरी विकास योजना तयार गर्ने लक्ष्यका साथ धनकुटा नगरपालिकाले शहरी उत्थानशीलता मार्गचित्र निमार्ण गर्ने भएको छ ।
धनकुटा नगरपालिकाले आज एक कार्यक्रम आयोजना गर्दै मार्गचित्र निमार्ण गर्दा नगरपालिकाको जोखिम क्षेत्र र जोखिम प्रवृति पहिचान गर्ने , नगरको प्राथमिकतामा रहेका शहरी विकास क्षेत्रको वर्तमान जोखिम र प्रवृति सम्बन्धको विश्लेषण गर्ने जानएको छ ।
नगरको प्राथमिकतामा रहेको नगरको शहरी विकास क्षेत्रको विपद्या उत्थानशिलता निमार्ण गर्न कार्यन्वयनका लागि स्रोत परिचालन सहितको कार्ययोजना तर्जुमा गर्ने धनकुटा नगरपालिकाका प्रमुख चिन्तन तामाङले जानकारी दिनुभयो ।
त्यस्तै मार्ग चित्रले नगरको विविध समावेशी आर्थिकअबसरहरु , जलवायू परिवर्तन र विपद् जोखिम न्यूनीकरण दिगो विकास शहरी विकास लगायतको क्षेत्रमा काम गर्ने धनकुटा नगरपालिकाका बतावरण शाखा प्रमुख उपेन्द्र खनालले जानकारी दिनुभयो ।
मार्गचित्र तयार गर्न ग्ल्म्एले सहयोग गर्ने पनि उहाँले बताउनुभयो । कार्यक्रममा धनकुटा नगरपालिका भित्रका सरोकारवलाहरुको सहभागिता रहेको थियो ।
