धनकुटा इजलास सहित ४ जिल्लामा आर्थिक बर्ष ०७९/८० मा ७१.१४ प्रतिशत मुद्धा फर्छ्यौट
धनकुटा,२५ साउन । उच्च अदालत विराटनगर धनकुटा इजलास सहित धनकुटा जिल्ला अदालत, तेह्रथुम जिल्ला अदालत, भोजपुर जिल्ला अदालत र संखुवासभा जिल्ला अदालतले गएको आर्थिक बर्ष ०७९-८० मा ७१.१४ प्रतिशत मुद्धा फछयौंट गरेको जनाएको छ ।
उच्च अदालत विराटनगर धनकुटा इजलासले धनकुटामा आज गरेको संचारकर्मि संगको अन्तरकृया कार्यक्रममा उच्च अदालत विराटनगर धनकुटा इजलासका रजिष्टार राजकुमार दाहालले उक्त जानकारी दिनु भएको हो ।
जस अन्तर्गत उच्च अदालत विराटनगर धनकुटा इजलासमा परेका ४ सय ३१ मध्ये २ सय ९९ वटा अर्थात ६९.३७ प्रतिशत मुद्धा फछयौंट भएको जानकारी दिनु भयो । धनकुटा जिल्ला अदालतले कुल मुद्धाको ६८.८५ प्रतिशत, तेह्रथुम जिल्ला अदालतले ७२.५६ प्रतिशत, भोजपुर जिल्ला अदालतले ६३.१० प्रतिशत र संखुवासभा जिल्ला अदालतले ७९.६१ प्रतिशत मुद्धा फछयौँट गर्न सफल भएको र समग्रमा ७१.१४ प्रतिशत मुद्धा फछयौँट भएको रजिष्टार दाहालले जानकारी दिनु भयो ।
उच्च र यी जिल्ला अदालतमा २ हजार २ सय ७७ मुद्धा रहेकोमा १ हजार ६ सय २० मुद्धा फछयौँट भएका ५ सय ४४ एक बर्ष भित्रका मुद्धा रहेका एक बर्ष नाघेका मुद्धाको संख्या १ सय १३ रहेको समेत दाहालले जानकारी गराउनु भयो ।
