छथर जोरपाटी गाउँपालिकाले कक्षा ६ का विद्यार्थीलाई दिवा खाजाको व्यवस्था आफै गर्ने
धनकुटा,२५ भदौ । धनकुटाको छथर जोरपाटी गाउँपालिकाले गाउँपालिका भित्रका सामुदायिक विद्यालयमा अध्यायन गर्ने कक्षा ६ का विद्यार्थीलाई दिवा खाजाको व्यवस्था आफै गर्ने भएको छ ।
सरकारले आर्थिक बर्ष २०८०/८१ को बजेटमा कक्षा ६ मा अध्यानरत विद्यार्थीको दिवाखाजाको रकम कटौती गरे संगै गाउँपालिकाले कक्षा ६ मा अध्यानरत विद्यार्थीका लागि दिवाखाजाको व्यवस्था गरेको छथर जोरपाटी गाउँपालिकाका अध्यक्ष छत्र बहादुर सुब्बाले बताउँनु भयो ।
उहाँले भन्नु भयो संघिय सरकार बाट कक्षा ६ का विद्यार्थीको दिवाखाजाको रकम कटौती भएकोले त्यसको व्यावस्था पालिकाले मिलाएको छ ।
छथर जोरपाटी गाउँपालिकामा कक्षा ६ संचालित सामुदायीक विद्यालयको १३ रहेको र त्यहाँ अध्यानरत विद्यार्थीलाई भदौ १ गते देखि लागुहुने गरि दिवाखाजा बापत २० रुपैयाँ उपलब्ध गराउँने निर्णय शिक्षा समिती बाट भएको छथर जोरपाटी गाउँपालिका शिक्षा शाखा प्रमुख निर्मला सुवेदीले जानकारी दिनु भयो ।
