पाख्रिबासमा सम्पन्न “जिल्ला स्तरीय खुल्ला वक्तृत्वकला प्रतियोगिता” मा सन्ध्या डांगी प्रथम
धनकुटा । संविधान दिवसको अवसरमा धनकुटाको पाख्रिबासमा आयोजित ‘जिल्ला स्तरीय खुल्ला वक्तृत्वकला प्रतियोगिता’ मा सन्ध्या डांगी प्रथम भएकी छिन् ।
“धनकुटाको आवाज : दुर्व्यसन मुक्त समाज” शिर्षकमा आयोजना गरिएको प्रतियोगितामा श्री शीतलादेवी मावि,पाख्रिबासका डांगी प्रथम भएकी हुन् । त्यसैगरि ढुंगेधाराका पेशाल दाहाल दोस्रो,शीतलादेवी माबिकै प्राप्ति राउत तेस्रो र राम माबि,मुगाका अनुजा थापा सान्त्वना भएका छन् ।
प्रथम,द्वितिय,तेस्रो र सान्त्वना स्थान प्राप्त गरेका विजयी प्रतियोगीहरुले क्रमश: रु.७०००,४०००,२००० र १००० नगद र प्रमाणपत्र सहित पुरस्कृत गरिएको थियो ।
समाजमा विभिन्न प्रेरणात्मक,सामाजिक कार्यहरु गर्दै आएको चेतना युथ क्लब पाख्रिबास-३ को आयोजनामा उक्त प्रतियोगिता सम्पन्न भएको हो ।
संविधान दिवसको अवसरमा वार्षिक रुपमा प्रतियोगिताको आयोजना गरि वाक कलाका प्रतिभावानहरुलाई सम्मान साथै विचारहरु प्रक्षेपण गरि समाजमा विभिन्न विषयमा चेतना फैल्याउने प्रयास गरि आएको यस क्लबले गत बर्ष सम्म नगर स्तरिय कार्यक्रम गर्दै आएकोमा यस बर्ष भने स्तरोन्नति गर्दै जिल्ला स्तरीय खुल्ला वक्तृत्वकला प्रतियोगिता’ को आयोजना गरिएको आयोजक क्लबले जनाएको छ ।
तस्बीर :समन श्रेष्छ
