पाख्रीवास नगरपालिकाको कृषि तथा पशुपंक्षी भवनको शिलान्यास
धनकुटा । धनकुटाको पाख्रीवास नगरपालिकाको कृषि तथा पशुपंक्षी भवनको आज शिलान्यास गरिएको छ । पाख्रीवास नगरपालिका प्रमुख ज्ञान वहादुर गुरुङले भवनको शिलान्यास गर्नुभएको हो ।
२ करोड ४१ लाख लागतमा आर्थिक करिडोर कार्यालय धनकुटा मार्फत अढाई तले सुविधासम्पन्न भवन बन्न लागेको नगर प्रमुखको सचिवालयले जनाएको छ ।
स्थानिय श्याम गुरुङले नि:शुल्क प्रदान गर्नुभएको दुई रोपनी जग्गामा भवन बन्न लागेको नगर प्रमुख गुरुङले जानकारी दिनुभयो । भवन बनेपछि कृषि सम्बन्धि कार्यहरु गर्न सजिलो हुने उहाँले बताउनुभयो ।
आगामी असार मसान्तसम्ममा सक्नुपर्ने भवन निर्माणको काम निश्चित समयावधिमै सम्पन्न गर्न अनुरोध पनि गरिएको पाख्रीवास नगरपालिका वडा नं ४ का वडाध्यक्ष सन्तोष मानन्धरले बताउनु भएको छ ।
फोटो :सन्तोष मानन्धरको फेसबुक
