सहिदभूमिमा कानुनी घुम्ति शिविर सञ्चालन
धनकुटा । न्यायमा पहुँच कार्यक्रम अन्र्तगत धनकुटाको शहिदभुमी गाउँपालिकाको दुई स्थानमा आज कानुनी घुम्ति शिविर सञ्चालन गरिएको छ ।
गाउँपालिकाको वडा नं ३ पञ्चकञ्या र थलथले बजारमा घुम्ति शिविर सञ्चालन गरिएको हो । शिविरमा कानुनी अधिकार, न्यायिक समिति नि शूल्क कानुनी सहायता सेवा, न्यायिक समिती र जिल्ला अदालतमा पेश गर्न मुद्धा दर्ता तयारी सेवा, घटना दर्ता सम्बन्धि विषयमा सहभागीहरुलाई परामर्श दिईएको छ ।
पञ्चकञ्यामा सञ्चालित शिविरमा वडा नं १,२ र ३ र थलथलेमा सञ्चालित शिविरमा ४,५,६ र ७ नं वडाका स्थानिय नागरिकहरु कानुनी शिविरमा सेवा लिन आएका थिए ।
शिविरमा नागरिक्ता नपाएको र वहुविवाह सम्बन्धि मुद्धाका सवालहरु बढी मात्रामा उठेका थिए । शिविरमा कानुनी अधिवक्ताहरु शारदा सञ्तोषी राई,सुमित्रा राई, जिल्ला प्रशासन कार्यलय धनकुटाका प्रशासन अधिकृत अंकित मंग्राती र जिल्ला अदालत धनकुटाका नायव सुब्बा शरण नेपालीले परामर्श सेवा दिएका थिए ।
शिविरमा जिल्ला समन्वय समिति धनकुटाका उपप्रमुख सावित्रा राई,शहिदभुमी गाउँपालिका अध्यक्ष मनोज राई,उपाध्यक्ष रत्नश्वरी राई,प्रमुख प्रशासकीय अधिकृत नविन कार्की,पर्डेप नेपाल धनकुटाका कार्यकारी निर्देशक मिन सुवेदी वडाध्यक्षहरु,वडा सचिव, जनप्रतिनीधि र पालिकाका पञ्जिकरण तथा न्यायिक समितिका कर्मचारीहरुको सहभागिता थियो ।
यो कार्यक्रम स्थानिय तहमा न्यायमा पहुँच अभिवृद्धी गर्न युएन डिपी, पर्डेप नेपाल र शहिदभुमी गाउँपालिकाले सञ्चालन गरिरहेको हो ।
