पत्रकार घिमिरेको बुबाको निधनमा धनकुटा कांग्रेसद्धारा शोक ब्यक्त
धनकुटा । नेपाली कांग्रेस धनकुटाका प्रवक्ता तथा नेपाल पत्रकार महासंघ धनकुटा र नेपाल प्रेस युनिन धनकुटा जिल्लाका पूर्व अध्यक्ष खगेन्द्र प्रसाद घिमिरेका बुबा चिरन्जीवी घिमिरेको आज विहान निधन भएको छ ।
नेपाली कांग्रेस धनकुटाका प्रवक्ता तथा नेपाल पत्रकार महासंघ धनकुटा र नेपाल प्रेस युनिन धनकुटा जिल्लाका पूर्व अध्यक्ष खगेन्द्र प्रसाद घिमिरेका बुबा चिरन्जीवी प्रसाद घिमिरेको आज विहान निधन हुनु भएकोमा नेपाली कांग्रेस धनकुटाका सभापती दिनेश राई र सचिव विजय सन्तोषी राईले आज शोक विज्ञप्ती प्रकाशित गरी समवेदना व्यक्त गर्नु भएको छ ।
धनकुटा कांग्रेसका अभिभावक समेत रहनु भएका बुबा चिरन्जीवी प्रसाद घिमिरे प्रति हार्दिक श्रद्धाञ्जली अर्पण गर्दै शोकाकुल सम्पूर्ण परिवारजन प्रति समवेदना व्यक्त गरिएको धनकुटा कांग्रेसद्धारा जारी विज्ञप्तीमा उल्लेख गरिएको छ ।
२०००सालमा जन्मनु भएका धनकुटा कांग्रेस अभिभावक घिमिरेको निधनले नेपाली कांग्रेस धनकुटालाई अपुरणी क्षती पुगेको समेत सभापती दिनेश राई र सचिव विजय सन्तोषी राईद्धारा जारी गरिएको उक्त शोक विज्ञप्तीमा जनाइएको छ ।
लामो समय देखी श्वास प्रश्वास रोगबाट ग्रसित भई निधन हुनु भएका स्वर्गीय घिमिरको श्रीमती राधादेवी घिमिरे,छोरा तथा बुहारीहरु तिर्थ प्रसासद÷ गायत्रा घिमिरे, खगेन्द्र प्रसाद÷ प्रमिला घिमिरे र नगेन्द्र प्रसाद÷रिना घिमिरे र छोरी ज्वाई गिता ÷ उपेन्द्र अर्याल तथा नाती नातीनीहरु हुनुहुन्छ ।
