ताप्लेजुङमा भिरबाट लडेर एक जनाको मृत्यु
ताप्लेजुङ, कार्तिक २१ । ताप्लेजुङको पाथिभरा याङबरक गाउँपालिका-१ आमचौक स्थीतमा भिरबाट लडेर एक जनाको मृत्यु भएको छ ।
हिजो दिउँसो २ बजे घरबाट हिडेका स्थानिय ४१ वर्षिय दुर्गा प्रसाद बि.क. बेलुका सम्म घर फर्केर नआएपछी आफन्त तथा प्रहरी चौकी मेवाखाको प्रहरी टोलिले खोजतलास गर्दै जाने क्रममा आज बिहान साढे ७ बजे आमचौक स्थितको भिरबाट अन्दाजी १०० मिटर तल मृत अवस्थामा फेला परेको हो ।
घटनास्थलको कानुनी प्रकृया पुरा गरी शवलाई पोष्टमार्टमको लागी जिल्ला अस्पताल ताप्लेजुङ पठाईएको जिल्ला प्रहरी कार्यालय ताप्लेजुङले जनाएको छ ।
