धनकुटाको पाख्रीवास नगरपालिका ६ का वडाध्यक्ष देवेन्द्र गुरागाईको घरमा आगलागी हुँदा डेड लाख बराबरको क्षति
धनकुटा । धनकुटाको पाख्रीवास नगरपालिका वडा नं ६ का वडाध्यक्ष देवेन्द्र गुरागाईको घरमा आग्लागी हुँदा डेड लाख बराबरको क्षति भएको छ ।
शनिवार मध्येराती वडाध्यक्ष गुरागाईको डाडाखर्क स्थितको घरमा आग्लागीको घट्ना घटेको हो तर आगो कस्ले र किन लगाएको भन्ने खुलेको छैन ।
राती १२:५८ तिर खुर्शानी डढाएको जस्तो गन्ध आएपछि उठेर हेर्दा मात्र आफुहरुले आगो लागेको थाहा भएको वडाध्यक्ष गुरागाईले वताउनु भयो ।
उहाँले भन्नुभयो ‘खुर्सानी डढेको जस्तो गन्ध आएर हामी व्युझेर हेर्दा १२:५८ भएको थियो । घरको दाेश्रो तलामा सुतेको हामी भुँईतलामा आग्लागी भएको थाहा भएपछि झर्न खोज्दा भर्याङको घोप्टेमा मुनि (भुँईतला तिर)बाट चावी लगाइएको पाईयो । त्यसपछि छिमेकीलाई बोलाएर उहाँको सहयोगमा झ्यालबाट तल झर्यौं र मात्र बांच्यौ ।´
त्यसपछि छिमेकीकै सरसहयोगमा आगो निभाएको उहाँले बताउनु भयो । आग्लागीबाट भान्सा कोठामा रहेको सम्पूर्ण सामान,पाहुना कोठामा रहेको सिरक,तन्ना, डस्ना लगायतका सामाग्री जलेको उहाँको भनाई छ ।
छरछिमेक,प्रहरी सहितको उपस्थितीमा विहान घट्नाको अवलोकन गरि डेड लाख बराबरको क्षती भएको अनुमान गरिएको उहाँको भनाई छ ।
तस्बीरमा हेर्नुहोस् –
