चौधौ संस्करणको राष्ट्रपति रनिङ शिल्डको उपाधि महालक्ष्मीलाई
धनकुटा । चौधौ संस्करणको राष्ट्रपति रनिङ शिल्ड प्रतियोगिताको उपाधि धनकुटाको महालक्ष्मी नगरपालिकाले उचालेको छ ।
दमार स्थीत चानुवा माध्यमिक बिद्यालयको खेल मैदानमा शनिबार साँझ सम्पन्न भएको सो प्रतियोगितामा महालक्ष्मी नगरपालिकाले ३३ स्वर्ण २१ रजत २७ काश्य सहित प्रथम स्थान ओगटेको हो । त्यस्तै दोस्रो भएको धनकुटा नगरपालिकाले १३ स्वर्ण १३ रजत तथा ७ काश्य हात पारेको छ । तेस्रो भएको चौबिसे गाँउपालिकाले ३ स्वर्ण ६ रजत ३ काश्य हात पारको छ ।
त्यस्तै पाख्रिबास र साँगुरीगढि गाँउपालिकाले दुई दुई स्वर्ण हात पार्न सफल भएका चानुबा माध्यमिक बिद्यालयका प्रध्यानाध्यापक कुमार बाबु श्रेष्ठले जानकारी दिनुभयो । प्रतियोगितामा सहिदभुमी गाँउपालिका स्वर्ण बिहिन बन्दा छथरजोरपाटी गाँउपालिका पुरै पदक बिहिन बन्न पुग्यो । आगामी बर्षको प्रतियोगिता चौबिसे धनकुटाले संयोजन गर्ने आयोजकले जनाएको छ ।
जिल्ला खेलकुद बिकास समिती धनकुटाको आयोजना महालक्ष्मी नगरपालिकाको ब्यबस्थापन तथा दमार स्थीत चानुवा माविको संयोजनमा प्रतियोगिता सुक्रबार र सनिबार गरि दुई दिन सम्म सञ्चालन भएको थियो । प्रत्येक खेलका बिजेताले प्रदेश स्तरीय राष्ट्रपति रनिङ शिल्ड प्रतियोगिता सहभागी हुन पाउने आयोजकले जनाएको छ । प्रतियोगितामा बिभिन्न प्रतिस्पर्धाको लागि धनकुटा जिल्लाका सात पालिकावाट तिन सय पचास भन्दा बढि बिद्यार्थीको सहभागीता रहेको थियो ।
पहिलो पटक जिल्ला सदरमुकाम बाहिर भएको प्रतियोगिलाले खेल क्षेत्रलाई मात्र नभई शिक्षा र पर्यटललाई समेत सहयोग पुर्याउने मेयर ध्रबराज रायले जानकारी दिनुभयो । स्थानिय शिक्षक बिद्यार्थी होटल ब्यबसायी सबैको सहयोगले कार्यक्रम सम्पन्न गर्न सकेको भन्दै उहाले सबैको प्रशंसा समेत गर्नु भयो । सदरमुकामका बिद्यालय भन्दा ग्रामिण क्षेत्रका बिद्यालय पनि कम छैनन् भन्ने जानकारी दिन यो प्रतियोगिता सफल भएको उहाँको भनाई छ ।
त्यस्तै समापन कार्यक्रममा बोल्दै धनकुटावाट प्रतिनिधित्ब गर्ने संघिय सांसद राजेन्द्र राईले यो धनकुटाको खेल क्षेत्रको लागि कोशेढुंगा बन्ने बताउनु भयो । पहिलो पटक सदरमुकाम बाहिर एउटा गाउंमा गरिएको यो कार्यक्रम गर्न आफैमा उदाहरकणिय रहेको वहांको भनाई छ ।
