धनकुटाको धर्मशालामा आगलागी,तीन घर पूर्णरुपमा जलेर नष्ट
धनकुटा । धनकुटाको धर्मशालामा आगलागी भएको छ ।
धनकुटा नगरपालिकाको वडा नं १० र पाख्रिबास नगरपालिकाको वडा नं ९ स्थित उत्तरपानी धर्मशालामा आगलागी भएको हो ।
११ बजेतिर एक घरमा आगो बालेर छोडिराखेको ठाउंबाट सल्किएर आगलागी भएको पाख्रीबास ९ का वडा अध्यक्ष सम्झना आलेले जानकारी दिनु भयो ।
आगलागीबाट ३ घर पूर्णरुपमा जलेको र अन्य केही घरमा पनि क्षति पुगेको र मानवीय क्षति भने नभएको वडा अध्यक्ष आलेले बताउनु भयो ।
क्षतिको पूर्ण विवरण आइसकेको छैन ।
धनकुटाबाट आएका २ दमकल र मल्ल कस्ट्राक्सनको गाडीबाट पानी ल्याएर आगो नियन्त्रणमा ल्याउन प्रयास भइरहेको छ ।
तस्बीर स्रोत :कविराज घिमिरेको फेसबुक
