धनकुटामा २६ जनालाई दिईयो उद्घोषण तथा नेतृत्व विकास तालिम
धनकुटा । धनकुटाका युवाहरुलाई नेतृत्व सिप प्रदान गर्ने उद्देश्यले पाँच दिनसम्म आयोजना गरेको उद्घोषण तथा नेतृत्व विकास सम्बन्धि तालिम सम्पन्न भएको छ ।
घरेलु तथा साना उद्योग कार्यालयको आयोजना र खबरपालिका मिडिया नेटवर्क प्रालिको संयोजनमा धनकुटाका युवाहरुलाई तालिम दिईएको हो ।
चैत्र १८ गतेदेखि चैत्र २२ गतेसम्म संचालन गरिएको तालिममा १५ जना महिला र ११ जना पुरुष गरी जम्मा २६ जना प्रशिक्षार्थीको सहभागिता रहेको खबरपालिका मिडिया नेटवर्कका प्रबन्धक विदुर खवासले जानकारी दिनुभयो ।
पाँच दिनसम्म संचालन भएको तालिमको बिहिबार एक कार्यक्रमका बिच समापन गरिएको घरेलु तथा साना उद्योग कार्यालयका प्रमुख इश्वर थापाले जानकारी दिनुभयो ।
समापन कार्यक्रममा बोल्लु हुदै कार्यक्रमका प्रमुख अतिथि धनकुटाका प्रमुख जिल्ला अधिकारी पुण्यविक्रम पौडेलले तालिममा सिकेको सिपलाई व्यवहारमा पनि उतार्नु पर्नेमा जोड दिनुभयो । पौडेलले सिप कहिले पनि सिकेर नसकिने भएकाले क्षमता विकासका लागी तालिम आवश्यकता रहेको बताउनु भयो । कुनै पनि कुरा कसैसँग गर्न वा बेल्न पनि व्यक्तिको क्षमतामा भर पर्ने भएकाले तालिम महत्वपूर्ण रहेको उहाले बताउनुभयो ।
कार्यक्रममा बोल्नु हुदै घरेलु तथा साना उद्योग कार्यालय धनकुटाका प्रमुख इश्वर थापाले आगामी दिनमा पनि यस्था खालका कार्यक्रम गर्दै जाने प्रतिबद्धता व्यक्त गर्नुभयो । ५ दिनसम्म सञ्चालन भएको तालिमको सहजीकरण प्रशिक्षक ज्ञानेन्द्र निरौलाले गर्नुभएको थियो ।
कुनै पनि कार्यक्रममा उद्घोषकको आवश्यकता पर्ने भएकाले नेतृत्व विकास सँगै क्षमता विकासका लागी समेत तालिमको आयोजना गरीएको खबरपालिका मिडिया नेटवर्क प्रालिका प्रबन्धक विदुर खवासले बताउनु भयो ।
युवाहरुलाई दक्ष बनाई समाज रुपमन्तरण गर्न खबरपालिका मिडिया नेटवर्कले विभिन्न कार्यक्रम सञ्चालन गर्दै आएको र आगामी दिनमा पनि नेतृत्व विकास सम्बन्धी कार्यक्रमहरु सञ्चालन गर्ने उहाँले जानकारी दिनुभयो ।
