धनकुटामा दोस्रो कोप्चे उत्सव सुरु
धनकुटा, ३० चैत, नयाँ बर्ष २०८१ को अवसर पारेर धनकुटाको कोप्चेमा दोस्रो कोप्चे उत्सव भएको छ ।
धनकुटा नगरपालिका–५ स्थित तल्लो कोप्चे र माथ्लो कोप्चे क्षेत्रको चहलपहल बढाउँन र यहाँको पहिचान बारे जानकारी दिन लक्ष्यका साथ आज बाट कोप्चेको बिहिबारेमा उत्सव सुरु भएको हो ।
पछिल्लो समय ओझेलमा रहेको र त्यसको पुन जागरण गर्न कोप्चे उत्सव आयोजना गर्न लागिएको आयोजक संस्थाका सामाजिक विकासका लागि यूवाहरुको प्रयास धनकुटाका अध्यक्ष रिजन पोख्रेलले जानकारी दिए । उत्सवमा स्थानीय नेवार र आठपहरियाको मौलिक खाना परिवारसहितका २० वटा स्टल रहेका छन् ।
तीन दिनसम्म चल्ने उत्सवमा करिब २० हजार मानिसले अवलोकन गर्ने अनुमान गरिएको आयोजकले जनाएको छ । उत्सवमा करिब १० लाख ५० हजार खर्च हुने अनुमान गरिएको आयोजकले जनाएको छ ।
