भीमनारायण गोल्डकप : उपाधिका लागि एपीएफ र बिर्तामोड युनाइटेड भिड्दै,पहिलो हाफ गोल रहित बराबरीमा
धनकुटा । १६ औं संस्करणको सहिद भीमनारायण गोल्डकपको उपाधिका लागि आज विभागीय टिम सशस्त्र प्रहरीको एपिएफ क्लव र झापाको विर्तामोड युनाइटेड क्लव प्रतिस्पर्धा भइरहेको छ ।
खेलको पहिलो हाफ सकिंदा दुवै टिमबाट गोल हुन सकेन ।
धनकुटा सदरमुकामस्थित तल्लो टुँडिखेलमा जारी खेलमा एपिएफले राष्ट्रिय जागृति क्लवलाई हराउँदै फाइनल प्रवेश गरेको थियो भने झापाले सेमिफाइनलमा आयोजक धनकुटालाई हराएको थियो ।
विजेताले नगद ५ लाख रुपैया सहित ट्रफी र उपविजेताले नगद २ लाख ५० हजार रुपैया प्राप्त गर्ने छ । त्यस्तै विधागत तर्फ उत्कृष्ट हुने खेलाडीलाई नगद सहित पुरस्कृत गरिने आयोजकले जनाएको छ ।
