धनकुटामा कोशी प्रदेश स्तरिय औद्योगिक प्रदर्शनी सुरु
धनकुटा,९ जेठ । धनकुटामा बुधबारबाट कोशी प्रदेश स्तरिय औद्योगिक प्रदर्शनी, कृषि मेला एवम् खाना महोत्सव सुरु भएको छ ।
नेपाल घरेलु तथा साना उद्योग महासंघ धनकुटाको आयोजनामा बुधबार बाट सुरु भएको कोशी प्रदेश स्तरिय औद्योगिक प्रदर्शनी, कृषि मेला एवम् खाना महोत्सव को उत्घाटन कोशी प्रदेशका मुख्यमन्त्री हिक्मककुमार कार्कीले गरेका छन् ।
उद्घाटन कार्यक्रममा बोल्दै मुख्यमन्त्री कार्कीले नेपाली उत्पादन लाई विदेशी बजारमा पु¥याउन आजको आवश्यकता बताउँदै धनकुटामा रहेको औद्योगिक ग्राम संचालनका लागि भएका समस्या लाई समाधान गर्न कोशी प्रदेश सरकारले सबै किसिमका सहयोग गर्ने प्रतिबद्धता जनाए ।
साथै मुख्यमन्त्री कार्कीले कोशी प्रदेशको समग्र विकासका लागि आगामी बजेट लाई रोजगारी सिर्जना, उत्पादन बृद्धि र पर्यटनका क्षेत्रमा केन्द्रीत गराएर ल्याइने र त्यसले तीन बर्ष भित्र प्रदेशले विकासमा फड्को मार्ने बताए ।
