धनकुटामा भू–संरक्षण,वन व्यवस्थापन तथा आयआर्जनका लागि विरुवा वितरण
धनकुटा,२ साउन । भू– तथा जलाधार व्यवस्थापन कार्यालय धनकुटाले कृषि सहकारी, समुह, किसान, सरकारी कार्यालयलाई भू–संरक्षण गर्न, वन व्यवस्थापन तथा आयआर्जनका लागि घाँस, फलफूल, रुखका विरुवा वितरण गरेको छ ।
“पहिरो,गल्छी र खोल्सामा रोपौँ डाले घाँस नेपियर, अम्लिसो र बाँस भूक्षय रोकिन्छ पहिरो थामिन्छ गाई वस्तुलाई हुन्छ घाँस” भन्ने नाराका साथ विरुवा उत्पादन गरि वितरण थालिएको कार्यालयले जनाएको छ ।
कार्यालयवे राई खन्यू, कोइरालो, नेपियर, मेन्दुला, अनार, कफि लगायतका विभिन्न जातका करिब ६० हजार विरुवा वितरण गरि सकिएको र अब करिब ३० हजार विरुवा वितरण गर्ने तयारी रहेको कार्यलयका सुचना अधिकारी प्रकाश लिम्बुले जानकारी दिनु भयो ।
कार्यालयले धनकुटा, भोजपुर, संखुवासभा र तेह्रथुमका कृषि सहकारी, समुह, किसानलाई नि:शुल्क विरुवा वितरण गर्दै आएको छ । धनकुटामा रहेको कार्यालयको कार्य क्षेत्र भने धनकुटा सहित भोजपुर, संखुवासभा र तेह्रथुम रहेको छ ।
