आठपहरिया संग्रहालय अन्तिम चरणमा
धनकुटा,४ साउन । धनकुटा नगरपालिका र आसपास मात्र बसोबास रहेको सिमान्तकृत आठपहरिया राई जातिको संस्कार(संस्कृति, वेशभूषा, वाद्यवादन, गरगहना तथा पुरातात्त्विक चिजवस्तु संरक्षण गरी प्रदर्शन गर्ने उद्देश्यले निर्माण थालिएको संग्रहालय निर्माणको काम अन्तिम चरणमा पुगेको छ ।
संघीय सरकारको विशेष अनुदान र धनकुटा नगरपालिकाको दुई करोड आठ लाख रुपैयाँमा धनकुटा सदरमुकामको बिहीबारे हटियामा नजिकै निर्माण गरिएको संग्रहालयका लागि पूर्वाधार निर्माणको काम अन्तिम चरणमा पुगेको हो ।
आवश्यक व्यवस्थापकीय काम सकेर आगामी वर्षबाट संग्रहालय सञ्चालनमा ल्याइने धनकुटा नगरपालिकाले जनाएको छ ।
