धनकुटाका ब्यावसायीद्नारा चर्को भाडादरको बिरोध
धनकुटा,१८ साउन । धनकुटा नगरपालिकाको स्वामित्वमा रहेको धनकुटा नगरपालिका वडा नम्बर ७ को माथिल्लो व्यापारिक भवनको अत्याधिक भाडादर बृद्धि गरिएको भन्दै त्यसको त्यहाँ व्यावसाय गर्ने ब्यावसायीले बिरोध गरेका छन् ।
धनकुटामा आज पत्रकार संम्मेलन गर्दै ब्यावसायीहरुले बजार मुल्य, व्यापारको अवस्था एवम् कानुनी पक्षको समेत ध्यान नदिइ खुल्ला प्रतिस्पर्धाको नाममा ठेकेदार छनोट गरि ठेकेदारले साविक भाडादरमा ८० प्रतिशत सम्म बढी तिर्नु पर्ने भन्दै सम्झौता गराउन थालेकोले व्यावसायीहरु त्रसित भएकोले त्यसको बिरोध गरेको बताएका हुन् ।
अत्याधिक भाडा बृद्धि भएको र ब्यावसय गर्ने अवस्था नभएको भन्दै सटर नै खाली गर्नु परेको व्यावसायी विपिन दाहालले बताए । नियामक निकाय धनकुटा नगरपालिकाले समेत आफूहरुको मागको सुनुवाइ नगरी व्यावसायी लाई ठेक्का दिएकोले आफूहरुले केहि गर्न नसक्ने जवाफ दिएकोले झनै व्यावसायीलाई त्रास भएको अर्को व्यावसायी दिपक श्रेष्ठले बताए ।
कर तिरी रहेका व्यावसायीलाई व्यावसाय गर्ने वातावरण बनाउँनु भन्दा हप्की धप्कीको भाषामा हामीले भने जति भाडा नतिर्ने भए सटर खाली गर्नु भन्ने सटरमा चाबी लगाउने चेतावनी समेत व्यावसायीलाई दिइएको व्यावसायी सुजित प्रधानले बताए । व्यावसायमा ठूलो लगानी भएकोले तत्काल सटर छोडेर हिड्ने अवस्थामा व्यावसायी समेत नरहको जिल्ला सहकारी संघ धनकुटाका अध्यक्ष खगेन्द्र सुवेदीले बताए ।
व्यावसायीलाई उचित भाडा र कर तिरेर व्यावसाय गर्ने वातावरण नगरपालिकाले मिलाउनु पर्ने यदि त्यसो नगरी मनलाग्दी गरे त्यसको कानुनी लगायत अन्य बाटो खोज्न समेत व्यावसायी पछि नपर्ने होटल एसोसियसन धनकुटाका अध्यक्ष खगेन्द्र बिष्टले बताए ।
