धनकुटामा २९ परिवारले निकाले गाइजात्रा (भिडियो सहित)
धनकुटा । भाद्र कृष्ण प्रतिपदादेखि अष्टमीसम्म आठ दिन मनाइने नेवारी समुदायको परम्परागत सांस्कृतिक उत्सव ‘गाईजात्रा’ धनकुटामा पनी मनाइएको छ ।
एक वर्ष्भित्र दिवङ्गत आफन्तको सम्झनामा आज गाई वा मानिसलाई गाईका रूपमा सिँगारी बजार परिक्रमा गराइने र उनीहरूलाई श्रद्धालुद्वारा दूध, फलफूल, रोटी, चिउरा, दहीका साथै अन्न र द्रव्य दान गर्ने चलन छ । यसरी नगर परिक्रमा गर्नाले वर्षभरि मृत्यु भएका व्यक्ति गाइको पुच्छर समाएर बैतरणी पार हुन्छन भन्ने धार्मिक विश्वास छ । धनकुटाका नेवारी समुदायले पनि एक वर्ष्भित्र दिवङ्गत आफन्तको सम्झनामा आज गाइ र मानिसलाई गाईका रूपमा सिँगारी धनकुटा बजार परिक्रमा गराएका हुन ।
धनकुटामा यो बर्ष २९ परिवारले गाइजात्रा निकालेका हुन् । जाइजात्रामा सहभागी हुन तथा गाइजात्रा हेर्न धनकुटा बजारमा हजारौ सहभागी भएका छन् । गाईजात्रामा लाखे नाच, लाठी नाच लगायत प्रर्दशन गरिएको छ । धनकुटाको श्रीवानीमा भेला भइ सुरु भएको गाइजात्रा मदनचोक, चुवाको बोट, भीम नारायण चोक, माथिल्लो कोप्चे, तल्लो कोप्चे हुँदै टुँडिखेलमा आएर समापन भएको थियो ।
