राष्ट्रिय लोकतान्त्रिक अपाङ्ग संघ धनकुटाको अध्यक्षमा प्रेम तुम्वाहाङ्ग
धनकुटा । राष्ट्रिय लोकतान्त्रिक अपाङ्ग संघ धनकुटाको अध्यक्षमा प्रेम बहादुर तुम्वाहाङ्ग चयन भएका छन् ।
नेपाली कांग्रेस धनकुटाका जिल्ला सचिव विजय सन्तोषी राईको प्रमुख आतिथ्यता र राष्ट्रिय लोकतान्त्रिक अपाङ्ग संघका केन्द्रिय सदस्य महासमिति सदस्य उदय वहादुर लिम्बुको उपस्थितिमा सम्पन्न भएको भेलाले तुम्वाहाङ्गको अध्यक्षतामा लोकतान्त्रिक राष्ट्रिय अपाङ्ग संघ धनकुटाको ९ सदस्यिय कार्य समिति चयन गरेको हो ।
उक्त समितिको उपाध्यक्षमा अम्विका राई,सचिव इन्द्र दर्नाल,सहसचिव गंगाराज राई,कोषाध्यक्ष सविता उदास र सदस्यहरुमा शुलुकमान राई,यज्ञ कुमारी तुम्वाहाङ्ग,बिमला भण्डारी र लोक वहादुर थापालाई चयन गरेको छ ।
