धनकुटामा बहुविवाह सम्बन्धि कसुरमा फरार प्रतिवादी पक्राउ
धनकुटा । बहुविवाह सम्बन्धि कसुरमा धनकुटा जिल्ला अदालतबाट कैद सजायको फैसला भई फरार रहेका एक प्रतिवादीलाई प्रहरीले पक्राउ गरेको छ ।
धनकुटाको महालक्ष्मी नगरपालिका वडा नं ७ का वर्ष ४० का -दिपक_ भन्ने नगेन्द्र दर्जीलाई जिल्ला प्रहरी कार्यलय धनकुटाबाट प्रहरी हवल्दार महेन्द्र खरेलको नेतृत्वमा खटिएको टोलिले पक्राउ गरेको हो । उनलाई गोप्य सूचनाको आधारमा मंगलवार सुनसरीको धरान उपमहानगरपालिका १५ बाझगराबाट पक्राउ गरिएको जिल्ला प्रहरी कार्यलय धनकुटाले जनाएको छ ।
प्रहरीका अनुसार दर्जीलाई २०७५-०२-२१ गते जिल्ला अदालत धनकुटाले ११ महिना ४ दिनको कैद फैसला गरेको थियो । पक्राउ परेका दर्जीलाई जिल्ला अदालत धनकुटामा दाखिला गराईएको छ ।
