धनकुटामा १८ हजार ६ सय गाँजाको बोट फडानी गरि नष्ट
धनकुटा । जिल्ला प्रहरी कार्यालय धनकुटा मातहत कार्यालयका प्रहरी टोलिले प्राकृतिक रुपमा डाँडापाखामा उम्रेको र अवैध रुपमा लगाईएका गाँजाको करिब १८ हजार ६ सय गाँजाको बोट आज फडानी गरी नष्ट गरेको छ ।
इलाका प्रहरी कार्यलय छिन्ताङ धनकुटाबाट प्रसनि जस बहादुर राईको नेतृत्वमा खटीएको प्रहरी टोलीले शहिदभुमी गाउँपालिका वडा नँ ३ को विभिन्न स्थानमा १० रोपनी क्षेत्रफलमा लगाईएका ७ हजार गाँजाको बोट फडानी गरी नष्ट गरेको छ भने प्रहरी चौकी आखिसल्ला धनकुटाबाट प्रबनानि गजेन्द्र श्रेष्ठको नेतृत्वमा खटिएको प्रहरी टोलीले शहिदभूमी गाउँपालिका वडा नं ७ को विभिन्न ठाँउका ६ रोपनी क्षेत्रफल मा लगाईएका अन्दाजी ११ सय गाँजाको बोट फडेको छ ।
त्यस्ते प्रहरी चौकी त्रिवेणी धनकुटाबाट प्रसनि राजेन्द्र राईको नेतृत्वमामा खटिएको प्रहरी टोलीले शहिदभुमी गाउँपालिका वडा नं १ को विभिन्न ठाँउका १४ रोपनी क्षेत्रफलमा लगाईएका ६ सय गाँजाको बोट फडानी गरी नाष्ट गरेको छ ।
उता इलाका प्रहरी कार्यलय भेडेटार धनकुटाबाट प्रनानि रमेश प्रधानको नेतृत्वमा खटिएको प्रहरी टोलीले साँगुरीगढी गाउँपालिका ७ को विभिन्न स्थानमा ५ रोपनी क्षेत्रफलमा लगाईएका ४ हजार ५ सय गाँजाको बोट फडानी गरी नष्ट गरेको जिल्ला प्रहरी कार्यलय धनकुटाले जनाएको छ ।
