धनकुटाको महालक्ष्मीमा नागरिक सुनुवाई कार्यक्रम सम्पन्न
धनकुटा । धनकुटाको महालक्ष्मीमा नागरिक सुनुवाई कार्यक्रम सम्पन्न भएको छ ।
जिल्ला प्रहरी कार्यालय धनकुटाको आयोजनामा महालक्ष्मी नगरपालिकाको सभाहलमा नागरिक सुनुवाई कार्यक्रम सम्पन्न भएको हो ।
उक्त कार्यक्रम जिल्ला प्रहरी कार्यालय धनकुटाका प्रमुख प्रहरी उपरीक्षक श्याम सिंह चौधरीको अध्यक्षतामा, जिल्ला प्रशासन कार्यालय धनकुटाका प्रमुख जिल्ला अधिकारी टुवराज पोख्रेलको प्रमुख आतिथ्यतामा, महालक्ष्मी नगरपालिकका नगरप्रमुख ध्रुवराज रायाको बिशिष्ट अतिथी, उपप्रमुख मञ्जु कुमारी कार्की (अधिकारी) , शसस्त्र प्रहरी बलका सशस्त्र प्रहरी नायव उपरीक्षक मदन नाथ, जिल्ला राष्ट्रिय अनुसन्धान कार्यालय धनकुटाका प्रमुख अनुसन्धान अधिकृत रुद्र गुर्मछान मगर, महालक्ष्मी नगरपालिकाका सम्पुर्ण वडा अध्यक्ष तथा स्थानिय बुद्धिजिबि ,भद्रभलादमी, बिभिन्न बिद्यालयका शिक्षक ,शिक्षिका, विद्यार्थीहरु समेत सहभागिता रहेको थियो ।
कार्यक्रममा सहभागीहरुले आ-आफ्नो जिज्ञासा तथा सुझावहरु समेत राख्नु भएको थियो भने कार्यक्रममा उठेका जिज्ञासा सवालहरुको सहजिकरण जिल्ला प्रशासान कार्यालय धनकुटाका प्रमुख जिल्ला अधिकारी टुवराज पोख्रेल र जिल्ला प्रहरी कार्यालय धनकुटाका प्रहरी उपरीक्षक श्यामसिंह चौधरीले सहजिकरण गर्नु भएको थियो ।
