धनकुटामा पनि किराँती समुदायले मनाउंदै उधौली चाड
धनकुटा । आज मार्ग शुक्ल पूर्णिमा किराँती समुदायले उधौली चाड मनाउंदैछन् । याे समुदायले पितृ र प्रकृतिको मान सम्मान गरि पुजा गर्दै उधाैली पर्व मनाउन लागेका हुन् ।
यहि अवसरमा धनकुटा नगरपालिका वडा नं -६, राईकुवा टाेल साकेला पार्कमा भव्यताका साथ पुजाआराधना गरिदैछ । यहाँ आज विहान १० वजेदेखी पुजा आराधनाकाे कार्यक्रम शुरु हुने किरात राई यायाेक्खा धनकुटाले जनाएको छ ।
पूजाआराधनापछि सहित साकेला नाच नाच्ने तयारी छ । साथै पाैष ६ गते टुडिखेलमा वृहत साकेला र पापानी (ढाेल) नाच समेत प्रदर्शन गरिने बताईएकाे छ । याे पर्वमा आज किरात समुदायका राईहरुले उधाैलि, लिम्बुहरुले चासाेक तङ्नाम,सुनुवारले फाेलस्यादार, याक्खाहरुले चासुवा नामले मनाउने गर्दछन् ।
याे पर्वमा किराँती समुलायले साकेला थानमा भूमी पुजा गर्दै नयाँ अन्नवाली ईष्ट देवतालाई चढाउने तथा पितृहरुकाे सम्झना गर्ने गर्दछन् ।
यसैवीच नेवार समुदायले आजै याेमरी पर्व पनि मनाउदै छन् ।
