पाख्रीबासको सिमसारमा यसरी गुन्जियो कवि मुकुन्द प्रयासका कविता(फोटो फिचर)
धनकुटा । धनकुटा पाख्रीबासको सिमसार क्षेत्र त्यसैपनि मनमोहक,सुन्दर र प्राकृतिक तथा कृतिम दृश्यावलोकन गर्नको लागि आन्तरिक पर्यटकको मन तान्न सफल छ ।
त्यसैमाथि आज सिमसार क्षेत्र कविताले गुन्जायमन भएको छ । पाख्रीबास कला साहित्य समाजको आयोजनामा सम्पन्न काब्य श्रृंखला अन्तर्गत आज चर्चित कवि मुकुन्द प्रयासको कविताले गुन्जायमन बनाएको हो ।
कवि प्रयासको वास्तविक माम मुकुन्द सुवेदी र जन्म साविक मुगा-८(हालको पाख्रीबास नगरपालिका ७ मा बिसं २०२५ सालमा आमा उमादेबी सुवेदी र बाबा यज्ञ प्रसाद सुबेदीको कोखबाट भएको थियो ।
कविका ‘एक झोला इन्द्रेणी(कविता संग्रह २०७१),२ सय भन्दा बढी साहित्यिक कृतिका आवरण,पत्र पत्रिका,पुस्तकहरु र पोर्टलमा आवरण डिजाइन,१ हजार भन्दा बढी कविता एवं गजलहरु माथि भावचित्र,मुहारचित्र यसैगरि धनकुटाको महालक्ष्मी नगरपालिका तथा सांगुरीगढी गाउंपालिकाको लोगो साथै सयौं संघ संस्था,प्रतिष्ठानहरुको लोगो समेत डिजाइन गर्नु भएको छ ।
त्यसका साथै कवि प्रयासले भानु स्वर्ण पदक २०७१ सहित दर्जनौं राष्ट्रिय तथा अन्तरराष्ट्रिय पुरस्कार/सम्मानहरु पाइसक्नु भएको छ ।
कार्यक्रममा कवि प्रयासले परिचय,युद्गको गीत,देश मधेश र पहाड,रुप,मन्दिर बाहिर,भ्यू टावरको बिरुद्दमा,भेट अनुभूति,शाश्वत प्रेम,जितको चक्रब्यूह,सेतो रंग,बृद्दानुभूति,पहिरोमा हामी,आमाको तस्बीर प्रेमी अर्थात हनुमान र बांसमा शिर्षकका कविताहरु वाचन गर्नु भएको थियो । प्रयासले कविता संगै आफ्नै गीतहरु पनि गाएर मनोरंजन दिलाउनु भएको थियो । कार्यक्रममा डीबी तामांग,ध्रुव एलेक्स,घनाश्याम बराल,अनिल सुवेदी,नमुना पौडेल,भिम विरही राई लगायतले पनि आ-आफ्नो सिर्जना वाचन गरेका थिए ।
सोही कार्यक्रममै चित्रकार डिल्ली कृष्ण आलेले कार्यक्रम स्थलमै कवि प्रयासको चित्र कोरेर वहांलाई हस्तान्तरण पनि गरेका थिए ।
समाजका अध्यक्ष प्रेम भण्डारीको अध्यक्षतामा संचालित कार्यक्रमलाई सचिव ध्रुव एलेक्सले संचालन गरेका थिए ।
