भेडेटारमा खाना महोत्सव सुरु
धनकुटा,१६ पुष । कोशी प्रदेश कै चर्चित पर्यटकिय क्षेत्र धनकुटाको भेडेटारमा अंग्रेजी नयाँ बर्ष २०२५ को अबसरमा मंगलबार बाट तीन दिने खाना महोत्सव सुरु भएको छ ।
होटल एसोसिएसन भेडेटारले आयोजना गरेको खाना महोत्सव अंग्रेजी नयाँ बर्षको अवसर पारेर गरिएको हो । महोत्सवमा स्थानीय खानाका परिकार, अर्गानिक खेतीवाट उत्पादित तरकारी तथा फलफूलको प्रदर्शनी, हस्तकला, कृषि तथा घरेलु उत्पादनका २५ स्टल रहेका छन् । फेस्टिवलमा करिब २ करोड बरावरको आर्थिक कारोवार हुने र फेस्टिलमा ४० देखी ५० हजार पर्यटक भित्राउने लक्ष्य रहेको होटल एसोसिएसन अफ भेडेटारका अध्यक्ष तुमराज लिम्बुले बताए ।
फेष्टिवलमा पर्यटकहरुले स्थानिय जातिय परम्परागत खानेकुराहरुको स्वाद लिन हेर्न बुझन पायनका साथै भेडेटारका पर्यटकीय स्थलहरु घुम्ने र मनोरञ्जन लिन सक्ने छन् , साना तथा ठुला होटल व्यावसाय फस्टाउने र पर्यटकहरुको आगमन वढ्ने र भेडेटारमा लगानीको अवसरहरु सृजना हुने आयोजकको लक्ष्य रहेको छ ।
कार्यक्रमको उत्घाटन गर्दै कोशी प्रदेशका पर्यटन, वन तथा वातावरण मन्त्री सदानन्द मण्डलले भेडेटार कोशी प्रदेशकै चर्चित पर्यटकीय क्षेत्र भएकोले यहाँको पर्यटन विकासमा कोशी प्रदेश सरकारले सहयोग गर्ने धाराण राखेको थिए ।
