धनकुटाको चौबिसेमा रुखबाट लडेर एक जनाको मृत्यु
धनकुटा,पुष २६ । धनकुटामा रुखबाट लडेर एक जनाको मृत्यु भएको छ ।
मृत्यु हुनेमा जिल्लाको चौबिसे गाउंपालिका ७ किरांत चोक अठारसय घर भइ हाल सोही स्थानका ताजेलोङ चोजोङको घरमा बिगत २०/२१ बर्ष देखि बस्दै आएका अन्दाजी ६५ बर्षिय मुसलमान तामाङ रहेका छन् ।
तामाङ आज अन्दाजी दिनको ४ बजे गोगनेको रुखबाट घांस झर्ने क्रममा रुखबाट लडि घाइते भएपछि तत्काल उपचारका लागि धरान घोपा पठाएकोमा उपचारको क्रममा मृत्यु भएको जिल्ला प्रहरी कार्यालय धनकुटाका प्रवक्ता डीएसपी ओम प्रकाश खनालले जानकारी दिनु भयो ।
