धनकुटामा अनुपम यात्रा
धनकुटा,२८ पुष । अन्तर–पुस्ता महिलावादी मञ्चको नेतृत्व तथा अनुपम अभियानको सहकार्यमा मानव अधिकारको लागि महिला, एकल महिला समूहले धनकुटामा स्थानीय सरोकारवालाको सहकार्यमा अभियान ‘अनुपम यात्रा’ सञ्चालन गरेको छ।
मानव अधिकारको लागि महिला, एकल महिला समूहका प्रदेश अध्यक्ष मीना राईको संयोजकत्वमा सम्पन्न कार्यक्रम अघि धनकुटामा कृयाशिल विभिन्न महिला समूहहरुद्धारा धनकुटाको मदन चोकबाट पञ्चेबाजासहित र्याली निकालिएको थियो।आउँदो २०८४ को निर्वाचनमा महिला नै पहिला भन्ने उद्देश्यअनुसार सुरु भएको कार्यक्रममा अधिकारकर्मीले आफ्नो धारणा राखेका थिए।
कार्यक्रममा संविधानसभा सदस्य लिला सुब्बा र धनकुटा नगरपालिकाको उपप्रमुख भिमा खनालले आफनो धाराण राखेका थिए । २०८० सालदेखि सुरु यो अभियान २०८४ सालसम्म सञ्चालन हुनेछ। खास गरी यो अभियानले न्यायिक समतामूलक समाजको निर्माण गर्न टेवा पुर्याउने लक्ष्य लिएको छ।
