धनकुटाको सांगुरीगढीमा आत्महत्या न्यूनीकरण सम्बन्धी सचेतनामूलक कार्यक्रम सम्पन्न
धनकुटा,माघ २० । धनकुटामा आत्महत्या न्यूनीकरण अभियान २०८१ सम्बन्धी सचेतनामूलक कार्यक्रम सम्पन्न भएको छ ।
नेपाली समाजमा पछिल्लो समय आत्महत्याका घट्नाहरू बढ्दै गएकोले आत्महत्याको रोकथाम कम गर्ने उद्देश्यले संचालित कार्यक्रममा जिल्ला प्रहरी कार्यालय धनकुटाका प्रमुख प्रहरी उपरीक्षक श्याम सिंह चौधरीले आत्महत्या रोकथाम तथा न्यूनीकरण सम्बन्धी मनोसामाजिक तथा मानसिक स्वास्थ्यको बारेमा प्रशिक्षण दिनु भएको थियो ।
प्रहरी प्रमुख चौधरीले शैक्षिक कार्यक्रम र सचेतनामुलक कार्यक्रमहरुले मानिसलाई यस विषयमा खुलस्त बनाउन र आत्महत्या निरुत्साहित गर्न सहयोग पुर्याउने बताउनु भयो ।
कार्यक्रम जिल्लाको साँगुरीगढी गाउँपालिका नं.-६ नाम्चे स्थितमा रहेको होमस्टे नाम्चे सामुदायिक भवनमा कार्यक्रम सम्पन्न भएको हो ।
