अखिल नेपाल महिला संघ पाख्रीबास नगर अध्यक्षमा सम्झना आले
धनकुटा । नेकपा एमाले पार्टीको जनसंगठन अखिल नेपाल महिला संघ (अनेमसंघ) पाख्रीबास नगरपालिका धनकुटाको तेस्रो अधिवेशन सम्पन्न भएको छ । अधिवेशनले सम्झना आलेको नेतृत्वमा ४५ सदस्यीय नगर कमिटी सर्वसम्मत चयन गर्दै सम्पन्न भएको हो।
नगर कमिटी उपाध्यक्षमा देवी माया बस्नेत , सचिव मिठु देउजा , काेषाध्यक्ष सविता कार्की , उप-सचिव पुस्पा अधिकारी लगायत सदस्य रहेका छन् ।
उक्त अधिवेशन अखिल नेपाल महिला संघका केन्द्रिय सदस्य एवम् धनकुटा जिल्ला ईन्चार्ज मन्जु अधिकारीको प्रमुख आतिथ्यमा सम्पन्न भएको थियो ।
अधिवेशनको विशेष अथिति, अखिल नेपाल महिला संघ जिल्ला अध्यक्ष मन कुमारी तितुङ्ग (तारा), पार्टीका काेशी प्रदेश सदस्य तथा पाख्रीबास नगर कमिटी ईन्चार्ज खण्डमान राई रहेको थियो ।
त्यस्तै गरि जिल्ला कमिटी सचिवालय सदस्य तथा निवर्तमान नगर कमिटी अध्यक्ष शान्तिराम गोतम , अनेम संघ जिल्ला उपसचिव सीता थापा , काेषाध्यक्ष निर्मला राई श्रेष्ठ , जिल्ला कमिटी सदस्यहरु नेकपा एमाले पाख्रीबास नगरकमिटी अध्यक्ष सिताराम राई ,सचिव दुर्गा सुवेदी , उप-सचिव ताेर्ण खपाङ्गि लगायत पालिका कमिटी सदस्यहरुको उपस्थिति थियो ।
