धरानमा स्कुटरको ठक्करबाट महिलाको मृत्यु
सुनसरी । सुनसरीको धरानमा स्कुटरको ठक्करबाट महिलाको मृत्यु भएको छ । भित्री सडक खण्डअन्तर्गत धरान उपमहानगरपालिका–१ पुरानो बजारमा दुर्घटना भएको हो ।
उत्तरबाट दक्षिणतर्फ आउँदै गरेको बागमती प्रदेश ०२–०१८ प ६५२४ नम्बरको स्कुटरले ठक्कर दिँदा धरान–१ की ५८ वर्षीय सरीता विकको मृत्यु भएको सुनसरी प्रहरीका प्रवक्ता डीएसपी योगराज खतिवडाले बताए ।
उनका अनुसार स्कुटरले आइतबार ठक्कर दिँदा गम्भीर घाइते भएकी विकको उपचारका क्रममा विराटनगरको विराट नर्सिङ होममा साँझ ७ः३० बजेतिर मृत्यु भएको हो ।
